Ousmane SONKO yagizwe umuyobozi w’Inteko Ishingamategeko.

Uwahoze ari Minisitiri w’Intebe wa Senegal, Ousmane Sonko, yatsindiye umwanya wo kuyobora Inteko Ishinga Amategeko kuri uyu wa 26 Gicurasi 2026 i Dakar, nyuma yo gutorerwa uwo mwanya mu matora yasubitswe n’abatavuga rumwe n’ubutegetsi, bikaba nyuma y’amezi y’umwuka mubi warangiye yirukanwe ku buyobozi bwa Guverinoma mu cyumweru gishize.

Abadepite batavuga rumwe n’ubutegetsi biyomoye kuri aya amatora yo ku wa Kabiri, bavuga ko kugaruka kwa Sonko mu Nteko binyuranyije n’amategeko, ndetse bagashinja ubutegetsi bwatoye gukora icyo bise “ihirikwa ry’inzego.”

Sonko, uyoboye ishyaka riri ku butegetsi rya PASTEF ni we wenyine wari umukandida muri aya matora kuri uwo mwanya akaba yatowe n’abadepite 132 nta wumwamaganye na ho umwe yifashe, nk’uko byatangajwe na Ismael Diallo wayoboye icyo gikorwa.

Ishyaka PASTEF rifite imyanya 130 muri 165 y’Inteko Ishinga Amategeko ya Senegal, ibintu byatumye intsinzi ya Sonko iba ntakuka nubwo abatavuga rumwe n’ubutegetsi babyamaganiye kure.

Gilbert NIYOMUKIZA