IMIKINO: Uko ibihembo byatanzwe muri shampiyona y’Ubwongereza 2025–26.

Ni shampiyona yegukanywe n’Ikipe ya Arsenal yari iya mbere n’amanota 85. Ku munsi wa nyuma w’imikino iyi kipe yahawe igikombe cy’irushanwa nk’Ikipe yaryegukanye nyuma y’imyaka 22 yari ishize itaryegukana.

Hari kandi ibindi bihembo byatanzwe cyane cyane icy’umutoza w’umwaka wabaye Umutoza wa Arsenal Mikel Arteta.

Umukinnyi w’Umwaka yabaye Bruno Miguel Borges Fernandes ukinira Ikipe ya Manchester United kubera ibyo yakoze bidasanzwe muri uyu mwaka, nyuma yo gukuraho agahigo ka Kevin De Brund na Thiery Henry, agatanga imipira yavuyemo ibitego 21, hakiyongeraho n’ibitego 9. Uyu mukinnyi kandi yafashije ikipe ye ya Manchester United mu buryo bukomeye kuko izakina imikino yo ku Mugabane w’Uburayi.

Uwatsinze ibitego byinshi yabaye Erling Braut Haaland watsinze ibitego 27, agatanga imipira 8 yavuyemo ibitego mu mikino 34 yakinnye.

Umukinnyi ukiri muto wahembwe ni Nico O'Reilly ukinira ikipe ya Manchester City ku ruhande rw’ibumoso, aho yatsinze ibitego 5 akanatanga imipira 3 yavuyemo ibitego mu mikino 29 yabanje mu kibuga.

Undi wahembwe ni David Raya nk’umuzamu mwiza w’umwaka, nyuma yo gufasha Arsenal kwegukana igikombe.

Muri shampiyona y’uyu mwaka, amakipe yamanutse mu Kiciro cya Kabiri ni Burnley F.C, Wolverhampton Wanderers F.C na Westerham United F.C yaherukaga kumanuka mu kiciro cya Kabiri mu myaka 15 yari ishize.

Amakipe azasohokera Ubwongereza mu mikino yo k'Umugabane w'Uburanyi ni Arsenal, Manchester City, Manchester United, Aston Villa ndetse na Liverpool zizakina UEFA Champions Legue, hakiyongeraho AFC Bournemouth na Sunderland zizakina UEFA Europa League ndetse na Brighton and Hove Albion izakina imikino ya UEFA Conference League. 

Muri rusange nubwo Ikipe ya Arsenal yegukanye igikombe ntabwo ari yo yagize abakinnyi benshi begukanye ibikombe ku giti cyabo nk’uko byajyaga bibaho. Abakinnyi ndetse n’ababatoza bamwe na bamwe batandukanye n’amakipe barimo.

Theoneste MANIRAKIZA