Tanzania:Minisitiri Ushinzwe iby’ubuzima yabwiye abaturage ko bakwiye gusiba inkingo za covid-19 mu bitekerezo byabo.

Byashyizweho 03 Feb,2021 22:05:01   na  Radio Ishingiro/citizen.co.tz



Mu mujyi wa Dar es Salaam Minisitiri ushinzwe ubuzima,n’iterambere Dr Dorothy Gwajima,ejo hashize yatangaje akamaro ko gukoresha imiti y’agakondo mu kurwanya icyorezo cya covid-19 n’izindi ndwara.

Dr Dorothy Gwajima aherekejwe n’umudepite, Dr Godwin Mollel,yatangarije itangazamakuru avuga ko leta y’igihugu cya Tanzania ihakana kuzana inkingo za covid-19 ziri gukoreshwa n’ibindi bihugu. Mu gihe yo izakoresha imiti y’agakondo harimo ibyatsi ndetse no kwiyuka.

Ni mu gihe kandi iki cyorezo cyakomeje gukwirakwira mu baturanyi baturiye Tanzania, ibyo bigatuma igihugu cya Tanzania kirushaho gukumira ikwirakwira ry’iki cyorezo cya covid-19.

Dr Dorothy Gwajima yagize ati” Abanyamakuru benshi bakomeje babaza ku nkingo za covid-19 n’uburyo bwo kwirinda iki cyorezo mu gihugu cya Tanzania. Mu gihe Minisiteri ishinzwe ubuzima nta gahunda ifite yo kuzakira inkingo za covid-19 ziri gukoreshwa mu bindi bihugu”.

Dr Dorothy Gwajima yakomeje asaba abaturage kugira isuku nyinshi ,boga intoki  kurya iryo yuzuye ndetse bagakora siporo mu rwego rwo kwrinda iki cyorezo cya covid-19 n’izindi ndwara,ngo bibuka ko kwiyuka bivura indwara nyinshi.

Agira ati” Nange ndumwe mu bantu bakoresheje iyi miti ya gakondo kandi byagiye bimfasha cyane ndetse n’umuryango wange mu bintu byinshi bigiye bitandukanye”.

Kuri ubu muri Tanzania hari imiti myinshi yashizwe kw’isoko n’abavuzi gakondo bavuga ko yafasha abaturage kurwanya covid-19.